KANTUZ BIZI

Nori zuzenduta: Lehen Hezkuntzako bigarren zikloko irakasleak.
Norekin egin da: Landarbaso Abesbatza eta Asmoz Fundazioa
Finantzatzen du: Eusko Jaurlaritzaren Hezkuntza Saila
Urtea: 2023
Webgunea: https://kantuzbizi.asmoz.org

PROIEKTUA

Proposamen didaktiko hau, hezitzaileek ikasleen sormen musikala aberasteko eta garatzeko erabiltzeko sortua izan da. Gida, musika estilo ezberdinak ezagutzean oinarritzen da: rock-and-rolla, popa eta filmetako musika, musika klasikoa, folk-musika, musika latinoa eta jazza.

HELBURUAK

Helburu orokorra:

Euskarazko IKT baliabideak erabiliz, ikasleen konpetentzia musikala garatzea.

Helburu zehatzak

Haurren garapen kognitiborako musika erabiltzea.

Jolastuz eta sormena garatuz, hazi eta heztea.

Taldeko lana sustatzea eta jorratzea.

EMAITZAK

Proiektuak 5 unitate didaktiko ditu, eta unitate bakoitzean musika-genero bat lantzen da. Zehazki, honakoak dira jorratzen diren musika-generoak: rock-and-rolla, popa eta filmetako musika, musika klasikoa, folk-musika eta musika latinoa edota jazza.

Unitate didaktiko bakoitzean hiru fase bereizten dira: hasierako fasea, garapen-fasea eta amaierako fasea.