Kirol prebentzioari eta osasunari lotutako materialak eskaintzen ditu proiektu honek: elikadura, osasun emozionala, inklusioa…
Aipatutako gaiak oso garrantzitsuak dira eskola kirolean aritzen diren haur zein nerabeen garapen prozesuan, baina ez dira behar adina lantzen, eta lantzen direnean oso era orokorrean eta gehienetan testu formatuan jorratzen dira. Proiektu honek hutsune hori betetzeko helburua du, ikus-entzunezko euskarazko eduki egituratuak eta praktikoak eskainiz.
HELBURUAK
Helburu orokorra:
Haurrekin eta nerabeekin lan egiten duten begiraleei, kirol prebentzioari eta osasunari lotutako materialak euskarazko materialak eskaintzea.
Helburu zehatzak:
Begiraleei kirol prebentzioaren eta kirol osasunaren inguruko euskarazko edukiak eta gida eraginkorrak ematea.
Eskola kirolarekin lotutako euskarazko ikus-entzunezko material didaktikoak Interneten doan jartzea.
EMAITZAK
Lau gai orokorrez osatutako webgunea sortu da: eskola kirolaren garrantzia, elikadura-ohitura egokien garrantzia, eskola kirola eta inklusioa, eta osasun emozionala.
Gai bakoitzak hainbat atal ditu, eta atal horietako bakoitzean bi bideo eskaintzen dira: bata teorikoa eta bestea praktikoa. Bideo horiez gain, atal bakoitzak material idatzia eta dagokion infografia ere jasotzen ditu. Material guztiak eskuragarri eta guztiz doan daude proiektuaren webgunean.
Saskia 
Nire kontua
